Þjónustuskilmálar - Brandson
0

Your Cart is Empty

Þjónustuskilmálar

Sölu- og þjónustuskilmálar Brandson

UM Brandson

Brandson, kt.  6508160640, Breiðahvarfi 8, 203 Kópavogur, hefur til sölu þægilegan og vandaðan fatnað.

VERÐ/GJALDMIÐILL

Verð vöru er það verð sem birt er á vefsíðu. Þegar Brandson býður vöru á tilboði eða afslætti birtir Brandson alltaf tilboðsverð ásamt upplýsingum um fullt verð.  Stundum er tilboð háð því að notaður sé afsláttarkóði en Brandson gefur bæði út afsláttarkóða vegna almennra tilboða sem og í tengslum við vildarklúbb. Þegar viðskiptavinur notar afsláttarkóða birtist afsláttarverð vöru í vörukörfu. Virðisauki er alltaf innifalinn í verði og uppgefið verð er í íslenskum krónum.

SENDINGARKOSTNAÐUR

Brandson tekur ekki gjald fyrir heimsendingu pantana sem eru að fjárhæð 16.000,-  eða hærri. Gjald fer eftir því hvaða sendingarkostur er valinn. Upplýsingar um kostnað við heimsendingu má finna á vörusíðu undir flipanum „sent og sótt“.  Kostnaður vegna heimsendingar bætist við á lokastigum pöntunar.

GREIÐSLUMÁTI

Hægt er að greiða með greiðslukorti, Aur, Netgíró, eða Pei

ÖRYGGI GREIÐSLUUPPLÝSINGA

Brandson nýtir örugga greiðsluleið.  Upplýsingar um kortnúmerið þitt eru dulkóðar og viðskipti fara fram á svæði sem varið er gegn aðgangi óviðkomandi aðila. Brandson vistar ekki kortanúmer.

AFHENDING/AFHENDINGARTÍMI

Brandson er umhugað um að þú fáir vöruna þína eins fljótt og mögulegt er. 

Oftast tekur það okkur ekki nema einn dag að afgreiða pöntun.  Á álagstímum getur afhending þó dregist og orðið allt að þrír (3) virkir dagar.  Ef við sjáum fram á tafir látum við þig strax vita.  Við erum í samstarfi  við nokkra flutningsaðila nánar tiltekið Dropp og Íslandspóst.  Áður en þú gengur frá kaupum velur þú hvernig þú vilt láta afhenda þér vöruna.

Ef þú leggur inn pöntun fyrir  kl.13 á virkum degi þá afhendum við flutningsaðila vöruna þína fyrir kl. 15.00 þann sama dag. Hafir þú valið að fá vöru afhenta á afhendingarstað Dropp  eða í póstbox Íslandspósts og afhendingarstaður er á stór höfuðborgarsvæðinu[1] þá má oftast treysta því að vara verði þér aðgengileg á afhendingarstað síðar þann sama dag.  Annars geturðu oftast treyst því að vara sé komin á afhendingarstað innan þriggja (3) virka daga frá því pöntun er gerð.

Ef þú pantar eitthvað hjá okkur eftir kl. 13.00 þá er það yfirleitt svo að pöntunin er afhent þér fyrir kl. 15.00 næsta virka dag eða er þér aðgengileg síðar þann sama dag hjá á afhendingarstöðum Dropp eða pósthólfum Íslandspósts á stór höfuðborgarsvæðinu.  Ef þú hefur valið aðra afhendingamáta eða ert staðsettur utan stór höfuðborgarsvæðisins má búast við að vara verði þér aðgengileg innan þriggja (3) virka daga.

Almennt afgreiðum við ekki vörur til sendingaaðila nema á virkum dögum en ef sérstaklega stendur á geturðu haft samband við Brandson með tölvupósti eða í gegnum vefspjallið og við sjáum hvort við getum ekki aðstoðað.

AFTURKÖLLUN EÐA BREYTING PÖNTUNAR

Þegar þú hefur staðfest og gengið frá pöntun er komin á sölusamingur samkvæmt lögum um neytendasamninga nr. 16/2016. Slíkum samningi mátt þú segja upp  án þess að gefa ástæðu innan 14 daga frá því gengið er frá kaupum. Ef þú vilt af einhverjum ástæðum hætta við kaupin þá sendir þú okkur tilkynningu um það á netfangið brandson@brandson.is þar sem þú tekur skýrt fram að þú hafir ákveðið að nýta þér rétt til að hætta við kaupin.  Ef við höfum ekki afhent vöru til flutningsaðila þá endurgreiðum við þér vöruna inn á þann greiðslumiðil sem varan var greidd með. Ef varan hefur verið afhent til flutningsaðila þá þarftu að endursenda hana á Brandson, Breiðahvarfi 8, 203 Reykjavík. Varan þarf að vera í upprunalegum pakkningum og í sama ástandi, þ.m.t. enn með öllum upprunalegum merkingum, og hún var við afhendingu. Þú þarft að greiða fyrir sendingarkostnað á skilavöru og sá sendingakostnaður sem greiddur var við pöntun verður ekki endurgreiddur. Þegar við höfum móttekið vöru og gengið úr skugga um að hún sé í góðu lagi þá endurgreiðum við þér hana án tafar.

Ákveðir þú að breyta pöntun, skipta út vörum bæta við eða fækka því sem valið var þá munum við gera allt sem við getum til þess að verða við óskum þ.e.a.s. ef vara hefur ekki verið afhent þegar þú hefur samband. 

SKIL EÐA SKIPTI VEGNA GALLAÐRAR VÖRU

Brandson leggur mikið uppúr að þú fáir gæðavöru fyrir peningana þína. Það getur þó alltaf gerst að vara sé gölluð. Ef það gerist þá þarftu að láta okkur vita eins fljótt og þú veist af galla og aldrei seinna en tveimur mánuðum eftir að þú uppgötvaðir galla eða hægt er að ætlast til að þú vissir um galla. Frestur skv. lögum til að óska eftir úrbótum vegna gallaðrar vörur er fimm (5) ár frá afhendingartíma vöru. Ef svo ólklega vill til að þú sért ekki að nota vöruna þína eða galli uppgötvast ekki af öðrum ástæðum innan þess tíma þá getum við því miður ekki gert neitt fyrir þig. Ef þú hins vegar lætur okkur vita af galla á vöru þ.e. einhvers sem ekki má rekja til slyss, óeðlilegrar notkunar, almenns slits, aldurs, geymslu eða annars þá munum við afhenda ógallaða vöru eða endurgreiða hvort svo sem þú kýst heldur. Endurgreiðsla miðast þá við þá fjárhæð sem þú greiddir fyrir vöruna.

Réttur þinn til að fá galla bættan er afmarkaður í lögum nr. 48/2003 um neytendakaup.

SKIL EÐA SKIPTI

Brandson hefur fullan skilning á því að það eru meiri líkur á að skila eða skipta þurfi vöru sem keypt er í gegnum vef en vöru sem hægt var að skoða og máta áður en tekin er ákvörðun um kaup. Við viljum því benda á stærðartöfluna okkar og umsagnarkerfið sem oft eru góð hjálp þegar verið er að velja stærðir.

Brandson er mjög liðlegt í að leyfa skil og skipti ef vara hentar ekki. Þú getur skilað vöru innan 30 daga frá afhendingu ef varan er enn ónotuð og í sama ástandi og þú fékkst hana þ.e.a.s. ekki á að sjá meira á vöru en það sem má búast við eftir að hún er mátuð. Einnig þarftu að sýna okkur sölukvittunina sem þú fékkst þegar þú keyptir vöruna.  Ef vara uppfyllir skilyrði um ástand þá er sjálfsagt að skipta eða fá endurgreitt. 

Ef þú hefur óskað eftir að fá vöruna endurgreidda þá sendum við þér tölvupóst þegar okkur hefur borist varan og við náð að skoða hana. Við látum þig þá líka vita hvort varan er í því ástandi að hægt sé að skila henni. Ef varan er hæf til þess að skila þá endurgreiðum við þér aftur andvirði vörunar  gegnum þann greiðslumiðil sem þú notaðir við kaupin.  Athugið að við endurgreiðum ekki sendingarkostnað. Ef við höfnum skilum eða skiptum þá getur þú annað hvort óskað eftir að við sendum þér vöruna og þá greiðir þú fyrir sendingar-kostnað skv. gjaldskrá eða þú getur sótt hana til okkar.

SKIL EÐA SKIPTI Á TILBOÐSVÖRU

Við endurgreiðum því miður ekki vörur sem keyptar hafa verið á lagersölu, útsölu eða í gegnum outlet nema um sé að ræða gallaða vöru eða að þú hafir ákveðið að hætta við kaup innan tveggja vikna. Hins vegar er Brandson mjög liðlegt ef þú vilt skipta vöru eða gefa út inneignarnótu að því gefnu að  þú hefir samband við okkur innan 30 daga frá kaupdegi. 


TRÚNAÐUR

Brandson gætir trúnaðar um allar upplýsingar sem þú gefur eru í tengslum við viðskipti þín. Upplýsingar eru geymdar með öruggum hætti og gætt er að uppfyllt séu skilyrði l. nr. 90/2018 um persónuvernd og meðferð persónuupplýsinga. Upplýsingar verða einungis nýttar að því marki sem nauðsynlegt er til að viðskipti geti farið fram. Hafir þú samþykkt að upplýsingar um þig væru skráðar á póstlista Brandson er netfang þitt og aðrar tengiupplýsingar skráðar í viðskiptamannakerfi. Brandson notar upplýsingar á póstlista bara í þeim tilgangi að eiga samskipti við þig og aðra viðskiptavini s.s. til að tilkynna um nýjungar eða tilboð. Þú getur alltaf afturkallað samþykki þitt fyrir skráningu á póstlista og verður upplýsingum þá eytt án tafar. Brandson afhendir aldrei upplýsingar úr viðskiptakerfi sínu til þriðju aðila.

Upplýsingar um Brandson

Brandson er í eigu Brandson ehf. kt. 650816-0640

Breiðahvarfi 8,

203 Kópavogur

Vsk.nr. 125634

S: 780 1800

Tölvupóstfang: brandson@brandson.is

 

 

[1] Reykjavík, Kópavogur, Garðabær, Hafnarfjörður, Seltjarnarnes, Mosfellsbær, Reykjanesbær, Hveragerði, Selfoss, Akranes

Hér má skrá endursendingu með DROPP